Սկսվել է անվճար առցանց դասընթացների գրանցումը։Դասընթացներն ընդգրկում են 4 ուղղություն՝
անձնական, թվային,
լեզվական և ձեռնարկատիրական հմտությունների զարգացում։
Ուսուցումն ամբողջությամբ իրականացվում է առցանց և ֆինանսավորվում է Զբաղվածության խթանման պետական գործակալության կողմից։Առցանց ձևաչափը հնարավորություն է տալիս տարածաշրջաններում բնակվող քաղաքացիներին, ինչպես նաև՝ բոլոր ցանկացողներին, ստանալ մասնագիտական կրթություն հարմար և հասանելի ձևով։
Թվային կոմպետենցիա (ուսուցման տևողությունը՝ 1 ամիս)
Դասընթացի ընթացքում կսովորեք Microsoft Office (Word, Excel, PowerPoint) ծրագրերը, Google-ի համակարգի արդյունավետ օգտագործումը, տեղեկատվության որոնման և թվային անվտանգության հիմունքները։ Բազմալեզու կոմպետենցիա (անգլերեն կամ գերմաներեն՝ A1–A2, ուսուցման տևողությունը՝ 3 ամիս) Դասընթացը ներառում է անգլերեն կամ գերմաներեն լեզվի խոսելու, լսելու, կարդալու և գրելու հմտությունների զարգացում՝ առօրյա և մասնագիտական հաղորդակցության համար։ Անձնական և սոցիալական կոմպետենցիա (ուսուցման տևողությունը՝ 5 օր) Դասընթացի ընթացքում կսովորեք շնորհանդեսի և հարցազրույցի անցկացման տեխնիկան, ինքնակենսագրականի (CV) և մոտիվացիոն նամակի պատրաստումը, արդյունավետ հաղորդակցության հիմունքները և թիմային աշխատանքի սկզբունքները։ Ձեռնարկատիրական կոմպետենցիա (ուսուցման տևողությունը՝ 1 ամիս) Դասընթացը ներառում է բիզնես գաղափարի զարգացման, ֆինանսական որոշումների կայացման, ռեսուրսների կառավարման հիմունքների, բանակցային հմտությունների, ինչպես նաև՝ ստեղծագործական և քննադատական մտածողության զարգացումը։Ո՞վ կարող է մասնակցել։
Վրաստանի ցանկացած չափահաս քաղաքացի։
Ծրագրին մասնակցելու համար կրթության որևէ կոնկրետ աստիճանի առկայությունը պարտադիր չէ։Կարևոր տեղեկություն՝
Նախնական գրանցումը չի նշանակում միանգամից ընդունելություն։ Երկրորդ փուլում անհրաժեշտ է այցելել Գործակալության սպասարկման կենտրոն և անցնել խորհրդատվություն։Հետագա խորհրդատվության այցը կազմակերպելու համար Գործակալության ներկայացուցիչը կկապվի ձեզ հետ։
Կարելի է ընտրել միայն մեկ ուղղություն։ Ուսումնական գործընթացը կմեկնարկի 2026 թվականի սեպտեմբերի կեսերից։
Առցանց դասընթացների նախնական գրանցման համար անցեք հղումով՝
Գրանցման վերջնաժամկետը՝ մինչև 2026 թվականի օգոստոսի 31-ը։
Մի՛ հետաձգեք։Անցեք նախնական գրանցումը և կատարեք ևս մեկ կարևոր քայլ դեպի ձեր մասնագիտական զարգացումը։
Georgian
Armenian
English