Նինոծմինդայի մունիցիպալիտետի քաղաքապետարանում տեղի ունեցավ աշխատանքային հանդիպում

Սամցխե-Ջավախեթի տարածաշրջանի ,,խոցելի էկոհամակարգերում և գյուղական բնակավայրերում գյուղատնտեսական կենսաբազմազանության կայուն կառավարում’’ նախագծի շրջանակներում, որը ֆինանսավորվում է Գլոբալ շրջակա միջավայրի պահպանման հիմնադրամի (GEF) կողմից և աջակցվում Կովկասի տարածաշրջանային շրջակա միջավայրի կենտրոնի (REC Caucasus) կողմից, Նինոծմինդայի մունիցիպալիտետի քաղաքապետարանում տեղի ունեցավ աշխատանքային հանդիպում։

Հանդիպմանը մասնակցեցին՝ Նինոծմինդայի քաղաքապետարանի աշխատակիցներն ու քաղաքապետի ներկայացուցիչները՝ վարչական միավորներում։

Աշխատանքային հանդիպումը վարեց Վրաստանի շրջակա միջավայրի և գյուղատնտեսության նախարարության անտառային քաղաքականության դեպարտամենտի պետ՝ Կարլո Ամիրգուլաշվիլին։

Հանդիպման ընթացքում քննարկվելցին կենսաբազմազանության և անտառային ոլորտի ներկայիս վիճակը, ընթացիկ գործընթացները, ինչպես նաև՝ տեղեկատվության և իրազեկման հարցերը։

Նախագծի նպատակն է պաշտպանել Սամցխե-Ջավախեթիի տարածաշրջանի կենսաբազմազանությունը, խթանել գյուղատնտեսության ոլորտում ագրոկենսաբազմազանության կայուն օգտագործումը և պաշտպանությունը, ինչպես նաև՝ բարելավել պետական ​​քաղաքականությունը և գործող իրավական շրջանակը։

Նախագիծը նախատեսում է նաև՝ աջակցել եկամուտների աճին տեղական մակարդակով, այդ թվում՝ խթանել տեղական հացահատիկային մշակաբույսերի և ցորենի տեսակների ներդրումը Սամցխե-Ջավախեթի տարածաշրջանի գյուղատնտեսական արտադրության մեջ։