Նինոծմինդայի մունիցիպալիտետի ավագանու` <<Վրացական երազանք – դեմոկրատական Վրաստան >> և <<Ժողովրդի ուժ>> խմբակցությունների նախաձեռնությամբ և քաղաքապետարանի մշակույթի, կրթության, սպորտի, հուշարձանների պահպանության, երիտասարդության հարցերի և տուրիզմի ծառայության աջակցությամբ այս տարի ևս կանցկացվի սեղանի խաղերի՝ նարդի (կարճ), դոմինո (զույգերով), շաշկի, շախմատ շրջանային առաջնություն։
Համաշրջանային խաղերին իրենց մասնակցությունը կցուցաբերեն շրջանի բոլոր գյուղերն՝ իրենց խաղացողներով։
Նախընտրական խաղերը մունիցիպալիտետի վարչական միավորներում կանցկացվեն փետրվարի 28-ին և մարտի 1-ին, քաղաքում՝ մարտի 2-ին (Նինոծմինդայի մշակույթի տուն)։
Խաղերի եզրափակիչը կկայանա մարտի 7-ին՝ վարչության շենքի երրորդ հարկում։
Խաղերի մասնակիցների տարիքային սահմանափակում, գենդերային տարբերություն, սահմանափակ կարողություններով անձանց տարանջատում չի դրվում։
Georgian
Armenian
English