Աշոտ Խնկոյանի անվան ազատ ոճի ըմբշամարտը ավարտվեց

Նինոծմինդա քաղաքում ավարտվեց Աշոտ Խնկոյանի անվան ազատ ոճի ըմբշամարտի 18-րդ միջազգային մրցաշարը։ Մրցաշարին մասնակցում էր 190 ըմբիշ՝ Երևան, Գյումրի, Վանաձոր, Տաշիր, Քեդա, Խելվաչաուրի, Բաթումի, Սամտրեդիա, Ախալքալաք և Նինոծմինդա քաղաքներից։ Ըմբիշները հաղթանակի համար պայքում էին 17 քաշային կարգերում։

,,Նման միջոցառումները շատ կարևոր են երիտասարդ մարզիկների համար, որովհետև նրանք ձեռք են բերում ավելի լայն ասպարեզ դուրս գալու հնարավորություն՛՛-ասաց Լևոն Վարդանյանը։

Մրցույթը կազմակերպվել էր Նինոծմինդայի քաղաքապետարանի մշակույթի, կրթության, սպորտի, հուշարձանների պահպանության, երիտասարդների հարցերի և տուրիզմի զարգացման ծառայությունն և Նինոծմինդայի սպորտդպրոցի կողմից։ Հաղթողները պարգևատրվեցին գավաթներով, մեդալներով ու պատվոգրերով, իսկ Նինոծմինդայի սպորտդպրոցը հատուկ նվերով պարգևատրեց մրցաշարի ամենատեխնիկական ըմբիշին։