უამინდობა ნინოწმინდის მუნიციპალიტეტში მეორე დღეა გრძელდება, ძლიერი ქარბუქის გამო შეფერხებით მუშაობს სპეცტექნიკა, სოფლების ნაწილს არ მიეწოდება ელექტროენერგია, მიმდინარეობს აღდგენითი სამუშაოები.
ამ დროის მონაცემებით, თოვლის საფარისგან ინტენსიურ რეჟიმში იწმინდება შიდა და ცენტრალური გზები გონდრიოს ადმინისტრაციული ერთეულის სოფლებში – მამწვარა, დილითი, დიდი და პატარა გონდრიო და ყულალისი.
სპეცტექნიკა ასევე მუშაობს ეშტიისა და ჯიგრაშენის სოფლების მიმართულებით, სადაც გზები თოვლის საფარისგან იწმინდება და იყრება ტეექნიკური მარილი.
სპეციალური ტექნიკით იწმინდება ქალაქ ნინოწმინდის ქუჩებიც.
სამუშაო პროცესს ნინოწმინდის მუნიციპალიტეტის მერის მოადგილე არმენ ბდოიანი უწევს მონიტორინგს.
მისი თქმით, ამ დროისთვის, სოფლებისკენ მიმავალი გზები ეტაპობრივად იწმინდება. მისივე თქმით, კრიტიკულია სოფლების – ტამბოვკასა და ვლადიმეროვკასკენ მიმავალი გზების მდგომარეობა, სადაც ძლიერი ქარბუქის გამო გზები ჩაკეტილია.
ასევე აკრძალულია მოძრაობა ნინოწმინდა-წალკისკენ მიმავალ ცენტრალურ გზა
დაბალი ხილვადობისა და ძლიერი ქარის გამო სამუშაო პროცესი რთულდება. ადმინისტრაციულ ერთეულებამდე მისასვლელ საავტომობილო გზებზე გადაადგილების საფრთხის დონე მაღალია, რის გამოც ყველა სახის სატრანსპორტო საშუალების გადაადგილება შეზღუდვებით ხორციელდება.
მოვუწოდებთ მოსახლეობას, თავი შეიკავეთ გზებზე გადაადგილებისგან, ხოლო იქ, სადაც თავისუფალია მოძრაობა, გთხოვთ, იმოძრაოთ ზამთრის პერიოდისთვის შესაბამისი საბურავებით, გამართული ავტოტრანსპორტით და დაემორჩილოთ გზებზე დაწესებულ რეჟიმებს.
Georgian
Armenian
English