ნინოწმინდის მერმა ანივარდ მოსოიანმა ადგილობრივ მედიასთან შემაჯამებელი შეხვედრა გამართა

მერმა მედიის წარმომადგენლების ყველა კითხვას ამომწურავი პასუხი გასცა. ძირითადი კითხვები ნინოწმინდის მერიის 2023 წლის მუშაობასა და პრიორიტეტების შესრულებას ეხებოდა.

დაისვა კითხვები სოფლების – სამების, ვლადიმიროვკასა და ტამბოვკასკენ მიმავალი გზების რეაბილიტაციასთან დაკავშირებით, ჟურნალისტები ასევე დაინტერესდნენ 8 სოფლის გაზიფიცირების საკითხითაც. ანივარდ მოსოიანის თქმით, აღნიშნული თემები მუნიციპალიტეტისთვის პრიორიტეტულია და 2024 წლიდან აქტიურად დაიწყება მუშაობა.

მან ყურადღება გაამახვილა მუნიციპალიტეტის მასშტაბით განხორციელებულ და დაგეგმილ პროექტებზე და აღნიშნა, რომ ნინოწმინდა ყოველდღიურად უფროდაუფრო ვითარდება.

ანივარდ მოსოიანმა ადგილობრივი მედიის წარმომადგენლებს დამდეგი შობა-ახალი წელი მიულოცა და პროფესიულ საქმიანობაში წარმატებები უსურვა.