Այսօր` նոյեմբերի 13- ին Նինոծմինդայի մունիցիպալիտետի Փոքր Խանչալի և Ղուլալիս գյուղերում հանդիսավորությամբ բացվեցին նորակառույց մանկապարտեզները :
Բացման արարողություններին ներկա էին Վրաստանի խորհրդարանի պատգամավոր Սմբատ Կյուրեղյանը, Նինոծմինդայի մունիցիպալիտետի ավագանու նախագահ Վահան Արոյանը, Նինոծմինդայի քաղաքապետ Անիվարդ Մոսոյանը, ավագանու նախագահի տեղակալ Վաղինակ Արզումանյանը, քաղաքապետի տեղակալ Արմեն Բդոյանը, ավագանու պատգամավորներ` Գիորգի Զմոյանը, Սերգեյ Ադումյանը, Գրիգոր Շամիլյանը, Աստղիկ Ալվանջյանը, մունիցիպալիտետի մանկապարտեզների միավորման տնօրեն Ամալյա Մղդեսյանը, մունիցիպալիտետի այլ աշխատակիցներ։
Մանկապարտեզներն ունեն բոլոր պայմանները փոքրիկների նախադպրոցական կրթության ապահովման համար: Ընդարձակ խաղասենյակներն իրենց հարկի տակ արդեն ընդունել են առաջին փոքրիկ այցելուներին:
Georgian
Armenian
English