<<Գյուղին աջակցության ծրագրի>> շրջանակներում հանդիպումները մունիցիպալիտետի վարչական միավորներում շարունակվում են։ Այսօր ավագանու և քաղաքապետարանի ներկայացուցիչները եղան Գորելովկայի վարչատարածքում /գյուղեր՝ Գորելովկա, Օրլովկա, Ժդանովական, Սամեբա, Սպասովկա, Եփրեմովկա/։ Տեղաբնակների հետ հանդիպումների ժամանակ որոշվեցին <<Գյուղին աջակցության ծրագրով>> իրականացվելիք աշխատանքները։
<<Գյուղին աջակցության ծրագրով>> վերոնշյալ գյուղերում ըստ առաջնահերթությունների իրականացվելու է խմելու ջրի ջրատարերի և ջրագծերի վերականգնում , անասունների ջրավազանի կառուցում, մարզադաշտի կառուցում։
Հանդիպմանը մասնակցեցին ավագանու նախագահ Վահան Արոյանը, ավագանու անդամ Ասքանազ Մարկոսյանը, քաղաքապետ Անիվարդ Մոսոյանը, քաղաքապետի առաջին տեղակալ Ալեքսանդր Միքելաձեն, ավագանու և քաղաքապետարանի այլ աշխատակիցներ։
Ծրագրի շրջանակներում հանդիպումները մունիցիպալիտետի գյուղերում շարունակվելու են մինչև փետրվարի երկուսը։
Georgian
Armenian
English