Անցկացվեց Նինոծմինդայի մունիցիպալիտետի ավագանու հերթական նիստը

Այսօր Նինոծմինդայի մունիցիպալիտետի ավագանու հերթական նիստը կայացավ։ Նիստը վարեց մունիցիպալիտետի ավագանու նախագահ Վահան Արոյանը։

Նիստին ավագանու անդամներից բացի ներկա էին նաև քաղաքապետ Անիվարդ Մոսոյանը, քաղաքապետարանի ֆինանսաբյուջետային ծառայության պետ Սամվել Արզումանյանը, էկոնոմիկայի ծառայության պետ Սայաթ Մկոյանը և այլ ներկայացուցիչներ։

Օրակարգում դրված էր չորս հարց․

1․Նինոծմինդայի մունիցիպալիտետի 2024-2027թթ. միջնաժամկետ զարգացման փաստաթղթի հաստատման մասին:

2. «Նինոծմինդայի մունիցիպալիտետի 2024 թվականի բյուջեի հաստատման մասին».Նինոծմինդայի մունիցիպալիտետի ավագանու 2023 թվականի դեկտեմբերի 25-ի N18 որոշման մեջ փոփոխություններ մտցնելու վերաբերյալ:

3. Նինոծմինդայի մունիցիպալիտետի ավագանու քաղաքական

պաշտոնատար անձանց, մասնագիտական հանրային ծառայողների դասակարգման ,աշխատակազմի հաստիքացուցակի հաստատման եւ պաշտոնական դրույքաչափերի սահմանման մասին:

4. Նինոծմինդայի մունիցիպալիտետի քաղաքապետարանի պաշտոնատար անձանց, մասնագիտական հանրային ծառայողների դասակարգման, հաստիքացուցակի հաստատման եւ պաշտոնական դրույքաչափերի սահմանման մասին:

Օրակարգի հարցերն ընդունվեցին ձայների մեծամասնությամբ։