ნინოწმინდის მუნიციპალიტეტის მერმა ანივარდ მოსოიანმა, მოადგილემ არმენ ბდოიანმა და ზედამხედველობის სამსახურის უფროსმა ჟირაირ შაჰბეკიანმა ნინოწმინის მუნიციპალიტეტში მიმდინარე ინფრასტრუქტურული პროექტები დაათვალიერეს.
ქალაქ ნინოწმინდაში, სოფელ გორელოვკასა და ეშტიაში ჯანსაღი ცხოვრების წესის ხელშეწყობის მიზნით, თანამედროვე სტანდარტების შესაბამისი სავარჯიშო ტრენაჟორები მოეწყო.
აღნიშნული პროექტი მოსახლეობის სურვილის გათვალისწინებითა და ადგილობრივი ბიუჯეტის დაფინანსებით განხორციელდა.
,,ტრენაჟორები სხვადასხვა ასაკობრივ კატეგორიაზეა გათვლილი. მოწყობის მიზანი კი ჯანსაღი ცხოვრების წესის დამკვიდრება და სპორტის პოპულარიზაციაა’’-განაცხადა ნინოწმინდის მუნიციპალიტეტის მერმა ანივარდ მოსოიანმა.
პროექტის საერთო ღირებულება 99 500 ლარს შეადგენს.
Georgian
Armenian
English