ჟდანოვ-სამების დამაკავშირებელი გზის სარეაბილიტაციო სამუშაოები გრძელდება

ნინოწმინდის მუნიციპალიტეტში ჟდანოვ-სამების დამაკავშირებელი გზის სარეაბილიტაციო სამუშაოები გრძელდება.

პროექტის ფარგლებში მოასფალტდება გზის 4,15 კმ-იანი მონაკვეთი.

მიმდინარე პროექტი ნინოწმინდის მუნიციპალიტეტის მერმა, ანივარდ მოსოიანმა და მოადგილე არმენ ბდოიანმა, შესაბამისი სამსახურის წარმომადგენლებთან ერთად, დაათვალიერეს.

“გზის მოწესრიგება ამ ორი სოფლის მოსახლეობისთვის უმნიშვნელოვანესია, რადგან გადაადგილებისას მათ დისკომფორტი ექმნებოდათ. პროექტის დასრულების შემდეგ კი ჩვენს მოქალაქეებს ამ გზაზე როგორც ფეხით, ასევე ტრანსპორტით გადაადგილება უპრობლემოდ შეძლებათ”, – განაცხადა ნინოწმინდის მუნიციპალიტეტის მერმა ანივარდ მოსოიანმა.

ჟდანოვი-სამებას გზის სარეაბილიტაციო სამუშაოები რეგიონებში განსახორციელებელი პროექტების ფონდიდან ფინანსდება.

სარეაბილიტაციო სამუშაოებს შპს „ჯავახ ავტოგზა’’ ასრულებს.