ნინოწმინდის მუნიციპალიტეტში მოსული უხვი ნალექის გამო, გზები თოვლის საფარისგან აქტიურად იწმინდება. მობილიზებულია სპეცტექნიკა და იყრება ტექნიკური მარილი.
სათხის ადმინისტრაციული ერთეულის სოფლების – სათხის, დიდი და პატარა არაქალის, ოროჯალარის შიდა სასოფლო და ცენტრალურ გზებზე სპეცტექნიკა დილიდან მუშაობს.
იწმინდება და ტექნიკური მარილი იყრება სათხე -სამებისა და სპასოვკა-ორლოვკა – ჟდანოვის დამაკავშირებელ გზაზეც, ასევე, ეშტიის ადმინისტრაციული ერთეულების სოფლებისკენ – ეშტიის, თორიისა და უჩმანასკენ მიმავალ გზებზე.
გზის გაწმენდითი სამუშაოები მიმდინარეობს ქალაქ ნინოწმინდის შიდა გზებზეც.
სამუშაო პროცესს მონიტორინგს ნინოწმინდის მუნიციპალიტეტის მერის მოადგილე არმენ ბდოიანი უწევს.
Georgian
Armenian
English