„სოფლის მხარდაჭერის პროგრამის“ ფარგლებში, 23 იანვარს, ფოკასა და ტამბოვკას ადმინისტრაციულ ერთეულებში /სოფლები: ფოკა, ვლადიმიროვკა, როდიონოვკა, ტამბოვკა, ასფარა/ საკრებულოსა და მერიის წარმომადგენლებსა და მოსახლეობას შორის შეხვედრა გაიმართა. საკრებულოდან შეხვედრას ესწრებოდნენ საკრებულოს თავმჯდომარის მოადგილეები ვაგინაკ არზუმანიანი და გეორგი ჩაპანიანი, საკრებულოს წევრი ვალერიკ ბეზოიანი, მერიიდან, მერის მოადგილე არმენ ბდოიანი, მუნიციპალიტეტის იურიდიული სამსახურის უფროსი ხორენ ავეტისიანი, ტამბოვკისა და ფოკის ადმინისტრაციულ ერთეულებში მერის წარმომადგენლები – მასის აღაიანი და ვაჩაგან ალვანჯიანი.
შეხვედრაზე განიხილეს და გადაწყვიტეს „სოფლის მხარდაჭერის პროგრამის“ ფარგლებში განსახორციელებელი სამუშაოები.
პროექტის ფარგლებში შეხვედრები მუნიციპალიტეტის სოფლებში რვა თებერვლამდე გაგრძელდება.
პროექტის ჯამური თანხა წელს 444 000 ლარია.
Georgian
Armenian
English