ნინოწმინდის კულტურის სახლის დარბაზში საქართველო-პორტუგალიის საფეხბურთო მატჩის ჩვენება გაიმართა

დღეს, 26 ივნისს, ქალაქ გელზენკირხენში გამართული საფეხბურთო ტურნირის “ევრო-2024”-ის ფარგლებში საქართველო პორტუგალიის ეროვნულ ნაკრებს შეხვდა .

ნინოწმინდის კულტურის სახლის დარბაზში საქართველო-პორტუგალიის საფეხბურთო მატჩის ჩვენება გაიმართა, რომელმაც ფეხბურთის მოყვარულებს საშუალება მისცა დიდ ეკრანზე ეყურებინა მოსალოდნელი თამაში.

თამაშს საქართველოს ნაკრების გულშემატკივრებთან ერთად საქართველოს პარლამენტის წევრი სუმბატ კიურეღიანი, ნინოწმინდის მუნიციპალიტეტის საკრებულოს თავმჯდომარე ვაან აროიანი, მერი ანივარდ მოსოიანი, საკრებულოს თავმჯდომარის და მერის მოადგილეები, საკრებულოს წევრები, საკრებულოსა და მერიის თანამშრომლები უყურებდნენ.

თამაში საქართველოს სასარგებლოდ 2:0 დასრულდა.

„ვულოცავ საქართველოს ნაკრებს, მათ ღირსეული ბრძოლა აჩვენეს არა მხოლოდ პორტუგალიასთან მატჩში, არამედ თურქეთთან და ჩეხეთთან წინა მატჩებშიც. ვუსურვებ მათ, რომ უახლოეს მომავალში ჰქონდეთ დიდი სპორტული წარმატებები და მიღწევები“, – განაცხადა საკრებულოს თავმჯდომარემ ვაან აროიანმა.